Бројните полициски сили кои беа пред зградата на Собранието реагираа и успеаа да ги растераат демонстрантите кои повеќе од половина час фрлаа камења и други тврди предмети кон полицијата и кон Парламентот.
При реакцијата на полицајците уапсени се неколку од демонстрантите. Толпата реагира на апсењата и бара тие да бидат ослободени, а во спротивно се закануваат дека ќе продолжат со каменувањето.
Засега има најмалку тројца повредени полицајци на протестот пред Собранието каде што демонстрантите се судрија со полицијата и пристигнаа возила на Итната медицинска помош.
