Членот на Претседателството на БиХ Милорад Додик изјави дека Германија го спречила кандидатскиот статус на БиХ, а дека сега германскиот канцелар Олаф Шолц вели дека БиХ може да и верува на Германија.
„Слушнавме се во претходните денови. Германија го спречи кандидатскиот статус на БиХ гласајќи против, а сега го слушаме германскиот канцелар Шолц дека БиХ може да и верува на Германија. Боже сешто“, напиша Додик на Твитер.
Шолц посочи дека Германија ги поддржува напорите на земјите од Западен Балкан за влез во ЕУ.
Германија, Холандија и Франција беа против кандидатурата на БиХ за членство во ЕУ на самитот ЕУ-Балкан во Брисел.