Украинскиот претседател Володимир Зеленски ја обвини Москва дека извршила геноцид во источниот регион Донбас, каде градот Северодонецк е под постојано гранатирање.
Обраќајќи ѝ се на нацијата вчера вечер, Зеленски рече дека бруталниот напад на Русија врз Донбас „може да го остави целиот регион ненаселен“.
„Тие сакаат да ги срамнат со земја и запалат Попасна, Бахмут, Лиман, Лисичанск и Северодонецк. Исто како што направија со Волновах и Мариупол. Во градовите и местата во близина на руската граница, во Доњецк и Луганск, ги собираат сите што можат да ги заземат местата на убиени и ранети за време на окупацијата“, рече Зеленски.
„Сето ова, вклучително и депортациите на нашиот народ и масовните убиства на цивили, јасно покажува дека Русија јасно води политика на геноцид“, рече украинскиот претседател.