Францускиот претседател Франсоа Оланд ќе замине за Мали, да присуствува на церемонијата на стапување на должноста на новоизбраниот претседател Ибрахим Бубакар Кејта, предвидено за септември, соопштија француските медиуми.
Оланд му честита на Кејта за неговата победа на претседателските избори во неделата и го увери дека Париз ќе продолжи со својата поддршка за неговата земја. Франускиот претседател го пофали малискиот народ за тоа што активно учествуваше во гласањето и на тој начин ја изрази својата длабока преданост кон демократијата.
Тоа што се случи од почетокот на француската воена интервенција, на 11 јануари 2013 година, до изборот на новиот малиски претседател, е успех за мирот и демократијата. Но, оттука во иднина треба да се направи се што е можно за успешен крај на преодот, за дијалогот и за развојот на Мали , се наведува во коминике на Елисејската палата.
Оланд на 2 февруари годинаава на неколку часа го посети Мали, три недели по почетокот на француската воена интервенција во оваа африканска држава.