Гувернерот на руската област Курск, Роман Старовоит на Телеграм објави дека еден маж загинал, а повеќемина се повредени во напад на украинската армија врз погранично село Тјоткино.
– Уште еден непријателски напад врз Тјоткино, што беше изведен во зори, за жал заврши со трагедија. Во моментот се знае дека е убиен најмалку еден цивил, напиша Старовоит на Телеграм.
Тој додаде и дека според првичните податоци, жртвата е возач на камион.
– Во нападот има и ранети … Оштетени се неколку куќи во Тјоткино. Во селото во моментов се гаснат пожарите, истакна Старовоит.