Во време на најголема светска економска криза Владата предводена од СДСМ и парламентарното мнозинство спроведуваат ефикасни решенија за заштита на животниот стандард и помош за компаниите.Мерките вредни 400 милиони евра дадоа резултат рече на прес конфренција пратеничката на СДСМ Даниела Маркоска.
– Наместо конструктивност и соработка, пратениците на ВМРО-ДПМНЕ се обидоа да ја блокираат работата на Собранието и да кочат важни закони за граѓаните. ВМРО-ДПМНЕ само потврди дека се однесува неодговорно, во време на криза се обидува да ја закочи работата на институциите и да нанесе штета на граѓаните и домашната економија. Но тоа не се случи, блокадата не успеа. СДСМ, заедно со парламентарното мнозинство и граѓаните тоа не го дозволи. Ќе ги надминеме сите обиди за блокади на опозицијата и потребните законски решенија ќе бидат донесени вели Маркоска.