Молчи Зоран Заев, молчи Димитар Ковачевски, молчи СДСМ, молчи Владата, нема коментар за имотите вредни 14 милиони евра на македонски државјани во Дубаи. Членови на најблиското семејство на Зоран и Вице Заеви, како и други членови на семејството Заеви постојано објавуваат фотографии од луксузните имоти во Дубаи рече на прес конференција портпаролот на ВМРО-ДПМНЕ, Наум Стоилковски.
– Дали имотите во кои што престојуваат членови на семејството Заеви се во посед на некој член со презиме Заев? Ако овие имоти се во нивни раце, колку пари се купени и како тие пари се стекнати? Зоран Заев, ти како поранешен премиер треба да одговориш пред јавноста дали лица од твоето семејство поседуваат имоти во Дубаи? Народот заслужува да знае. Дополнително ги повикуваме финансиските институции во Македонија да ги истражат наводите на новинарите од Норвешка и да утврдат дали имотите вредни 14 милиони евра во Дубаи се стекнати со пари заработени со криминал и корупција. Ковачевски како премиер и поранешен заменик министер за финансии мора да излезе и да каже дали луѓе од неговото блиско опкружување се дел од лицата кои што поседуваат имоти во Дубаи, на свое или на име на други лица вели Стоилковски.