Вандализираната градинка на која некој напишал СОНК убијци уследи веднаш после притисоците, заканите и заплашувањата на власта кон вработените во образованието кои штрајкуваат за повисоки плати велат од ВМРО-ДПМНЕ.
– Вработените во образованието не само што имаат уставно загарантирано право на штрајк, туку имаат и полн легитимитет да бараат повисоки плати согласно колективниот договор. Стандардот на граѓаните е во слободен пад. Само во март месец инфлацијата изнесува 8,8%, а во рок од една година сите основни трошоци за живот се поскапени од 30 до 110%. Власта наместо да прави притисоци и да се заканува, треба на просветните работници да им одговори како може да дава 1 милион евра за криминални физибилити студии, 2,5 милиони евра за службени возила, 2 милиони евра за кафиња, цвеќиња, жардињери и хотелски услуги, а нема да им ги покачи платите кои се едвај повисоки од минималната плата се вели во соопштението од партијата.