Американскиот државен секретар Ентони Блинкен денеска разговараше со министерот за надворешни работи на Украина, Димитро Кулеба, да се запознае со новонастанатата ситуација по нивната средба во Варшава, Полска, соопштија од Стејт департментот.
Портпаролот Нед Прајс изјави дека Блинкен ги истакнал напорите на САД да обезбеди за Украина потребната поддршка за одбрана од непровоцираната, неоправдана и брутална војна на Руската Федерација.
-Тој укажа на непоколебливата и цврста поддршка за Украина, и исто така ги пофали украинските заложби за дипломатија. Државниот секретар исто така нагласи дека САД, сојузниците и партнерите ќе продолжат да бараат одговорност од оние кои извршиле злосторства во Украина, изјави Прајс.
Извор: МИА