Неколку минути пред пладне, денеска во двоспратен автобус „Јутонг“ кој сообраќа на линија 57 избувнал пожар во кој нема повредени патници, причинета е само материјална штета информираат од ЈСП.
Во моментот на опожарувањето, автобусот бил на последната/почетната постојка во Нерези и во него немало патници.
Внатрешната контрола на ЈСП Скопје излегла на терен, при што, од изјавата на возачот и околни сведоци, било констатирано дека пожарот избувнал во делот кај што се наоѓа моторот.
– Благодарение на присебноста на возачот и неговата брза реакција, избегната е поголема штета. Возачот употребил два ПП апарати, а во меѓувреме интервенирало едно противпожарно возило. Случајот е пријавен и во МВР и во тек е утврдување на причините за настанот велат од ЈСП.
