Кинескиот заменик министер за надворешни работи Ле Јученг рече дека НАТО не треба да се шири понатаму на исток, туркајќи ја нуклеарната сила како Русија „во ќош“.
„Санкциите против Русија стануваат претерани“, рече Ле Јученг во Пекинг, пренесува Ројтерс.
Кина не го осуди рускиот напад врз Украина, кој одбива да го нарече инвазија, но изрази загриженост за ситуацијата.
„Историјата постојано покажува дека санкциите не можат да ги решат проблемите. Тие само ќе им наштетат на обичните луѓе, ќе влијаат на економскиот и финансискиот систем и ќе ја влошат глобалната економија“, рече Јученг.