На плажата Сараиште почина 40-годишна жена, гостинка од Србија. Според првичните информаии најверојатно добила срцев удар кога влегла во езерото. Било веднаш реагирано од страна на волонтер на Црвениот крст кој случајно се нашол на плажата и неколку други луѓе но се биле залудно затоа што жената била извадена помодрена од езерото.
На плажата и била пружена прва помош и бил направен обид за реанимација но телото веќе не давало знаци на живот.
Гостинката од Србија во Охрид била дојдена со нејзината сестра.
Плажата Сараиште каде што се удавила е без концесионер и нема спасители на вода. За брзо време дошле од соседната плажа со дефибрилатор но веќе било доцна за гостинката од Србија.
