Индија е свесна за тоа кои се целите на руската специјална воена операција во Украина и оттаму балансираниот став по прашањето, изјави денеска рускиот амбасадор во Њу Делхи, Денис Алипов.
„Индија добро ги знае не само целите на операцијата, туку и генезата на безбедносната ситуација во Европа, сите околности во руско-украинските односи последните години и децении. Тоа се некои од причините зошто Индија зазема прилично избалансирана позиција по однос ескалирањето на ситуацијата за која сме сите ние свесни, истакна тој во изјава за телевизијата „Русија 24“.
Според рускиот дипломат, за разлика од западните земји Индија не ја демонизира Русија за ситуацијата во Украина.
„Индија зазема сопствена неутрална позиција“, рече Алипов.
Извор: МИА