Експертите од Меѓународната федерација на Црвениот крст и Црвената полумесечина (ИФЦР) изразија загриженост дека војната во Украина би можела да доведе до зголемување на бројот на новозаразени со Ковид-19, како во земјата така и во соседните држави.
Во Украина во февруари на дневно ниво се регистрираа по 900.000 заразени, а 60 отсто од тестираните беа позитивни.
– Не може да се применуваат превентивни мерки. Гледаме пренатрупаност во засолништата, возовите, автобусите и хотелите. Поради намалување на бројот на тестирање поради војната, ќе биде потешко да се добие целосна епидемиолошка слика, изјави Петра Кури од ИФЦР.
Соседните земји на Украина, Молдавија и Романија, дестинации за многу украински бегалци, имаат ниска стапка на вакцинација против Ковид-19.
Извор: МИА