Косовското Министерство за надворешни работи објави денеска дека тројца косовски државјани ја напуштиле Украина, која е под воена агресија од Русија, додека четиричлено семејство од Косово е на пат да излезе од таа земја и да премине во Унгарија, јави дописникот на МИА од Приштина.
Претставничката за односи со јавноста на косовското МНР, Ќендреса Фазлиу изјави за косовските медиуми дека тројцата Косовари кои денеска излегле од Украина престојувале таму на неколку дена поради деловни и бизнис причини.
Фазлиу рече дека споменатите седум лица се единствените косовски државјани во Украина со кои косовското МНР досега воспоставило контакт.
Извор: МИА