Американскиот државен секретар Ентон Блинкен доцна синоќа разговарал со државниот советник и министер за надворешни работи на Кина, Ванг Ји, околу развојот на ситуацијата во Северна Кореја и руската агресија врз Украина. Претходно тој имал телефонски разговор и со украинскиот министер за надворешни работи Димитро Кулеба.
-Во разговорот со својот кинески колега, државниот секретар ја истакна потребата од зачувување на суверенитетот и територијалниот интегритет на Украина, соопшти денеска портпаролот Нед Прајс.
Во разговорот со украинскиот колега Блинкен „го нотираше брзиот одговор на одлуката на Русија да признае наводна независност на таканаречените републики во Источна Украина контролирани од руски управувана власт “.
Кулеба денеска е во официјана посета на Вашингтон каде ќе има средба со Блинкен на која тие ќе продолжат со дискусијата околу овие прашања, соопшти Прајс.
Извор: МИА