Прашањето за името не ја попречува европската перспектива на Македонија, туку целиот пакет критериуми кои мора да бидат исполнети од страна на земјите кандидати за членство, изјави денеска грчкиот министер за надворешни работи Евангелос Венизелос.
Венизелос денеска ја информираше Парламентарната комисија за одбрана и надворешни работи за прашања кои се во негова надлежност, при што зборуваше и за името на Македонија.
– Не разбирам дали се придржувате на ставот кој Грција го изрази во Букурешт, реагираше пратеникот на Нова демократија Еврипидис Стилианидис и праша дали името „Горна Македонија“ се смета за географска одредница.
Шефот на грчката дипломатија одговори дека позицијата на Атина е почитување на одлуките на Советот за безбедност и мисијата на медијаторот Метју Нимиц, и повтори дека до Македонија е испратен меморандум за разбирање.
– Грција е вистинската врата за влез на Скопје во евроатлантските институции, и во суштина негов најголем економски партнер, додаде Венизелос.