Висок претставник на Стејт Департментот денеска дообјаснува што сакал да каже претседателот Џо Бајден со изјавата дека Русија ќе има „брзи и тешки последици“ во случај на инвазија на Украина. Во изјава за „Би-би-си“ Дерек Шоле објаснува во кои два главни правци би одел американскиот одговор.
Првиот е воведување значајни санкции кои како што вели „би ја осакатиле“ руската економија. Вториот е засилување на НАТО силите на источните граници на сојузот како и дипломатска изолација кој би значела воено-стратешки чекор назад за Русија.
Зборувајќи за природата на можната руска инвазија на Украина, тој вели „Независно од начинот на кој би била изведена (воздушни напади, напад од копно), ако биде онаква како што претпоставуваме, последиците за Украина ќе бидат опасни.