Свештеник од Србија стана хит на социјалните мрежи откако се појави видео од традиционалното фаќање на крстот за Водици, каде првин со џип влегува до пола река и почнува да ги охрабрува учесниците на манифестацијата.
Додека возилото со свештеникот влегува во реката, од страна се слушаат коментари на присутните.
„Немој, ќе се преврти“, се слуша во моментот додека џипот се симнува во плиткиот дел на реката, позиционирајќи се на права позиција за фрлање на крстот во водите на реката.
Кога свештеникот се намести на вистинското место, во моментот додека момците се доближуваат до реката, се слуша прашање кое го дофрла некој од публиката кон оние кои учествуваат во фаќањето на крстот.
„Имате ли м*да?“, е прашањето по кое настапи смеа од присутните.
Засега не е познато од кое место во Србија доаѓа видеото кое за кратко време стана хит на социјалните мрежи.