Гостиварското обвинителство поднесе обвинителен предлог за двајца браќа од Добридол, кој претепале човек пред угостителски објект во селото.
„Јавен обвинител од Основното јавно обвинителство Гостивар поднесе Обвинителен предлог против две лица од село Добридол кои како соизвршители сториле кривично дело – Тешка телесна повреда од член 131 став 1 во врска со член 22 од Кривичниот законик.
На 02.05.2021 година, пред угостителски објект во селото, тие со умисла тешко телесно повредиле едно лице со кое претходно влегле во вербална расправија. Двајцата обвинети браќа, најпрвин со стапови го удриле оштетениот, а кога тој паднал на земјата, продолжиле да го удираат со клоци и боксови додека не изгубил свест. Со ударите му нанеле тешки телесни повреди – расцепни рани на главата, нагмечување на лактот и скршеница на десната потколеница“, информираат од Обвинителството.