Диви станоиздавачи на главниот булевар „Туристичка“ во Охрид и понатаму има во голем број. Казните од 700 евра и мерките на градските власти не ги исплашија охриѓани, па шансата за парче леб и понатаму ја гледаат во издавање на соби за туристи.
И така слабата туристичка сезона со гости гледаат да ја надополнат со по некој турист од внатрешноста на државата или од странство.
Бројот на станоиздавачи е поголем во попладневните часови, но се уште за нив демнее опасноста да бидат казнети со глоби од по 700 евра, ако инспекциите на Пазарниот инспекторат, полицијата и Секторот за туризам ги најдат на лице место како нудат соби за туристи.
По се изгледа мерките на општината не се толку страшни, колку слабата сезона и беспарицата која се заканува.
Мики Трајковски