Опозицискиот фронт поднесе барање за итна собраниска седница на која задолжително бара да се обратат Претседателот Ѓорѓе Иванов и премиерот Никола Груевски.
Тема на седницата би било дефинирањето на идниот план и активности на државниот врв за исполнување на стратешките интереси на граѓаните за ЕУ и НАТО по самитот во Чикаго.
Опозицискиот фронт ги повика Иванов и Груевски да не избегнуваат соочување со граѓаните и јавноста.
Барањето е доставено до Собранието и на него се потписи од 42 пратеници. Според деловникот спикерот Трајко Велјаноски може да ја свика седницата и во пократок рок од 10 дена.