Управата за финансиска полиција веќе неколку месеци прибира податоци и сознанија и постапува по наредба на Основното Јавно Обвинителство за гонење на организиран криминал и корупција, соопшти Управата во врска со денешните написи за постапувањето на Финансиската полиција во Општина Тетово.
– Управата во своето редовно работење постапува неселективно и непристрасно, согласно своите законски надлежности и добиените насоки и наредби од ОЈО. Се додека случајот е во предистражна постапка поради начелото на тајност во овој момент не би можеле да споделиме повеќе релевантни информации и Ве замолуваме истиот да не се злоупотребува и користи во политички цели, се додава во соопштението на Управата за финансиска полиција.