Претседателот на Република Словенија Борут Пахор од денеска престојува во дводневна официјална посета на Република Македонија.
Во рамки на посетата, денеска предвидено е Пахор да има тет-а-тет средба со неговиот домаќин, Ѓорге Иванов, по што ќе следи пленарен состанок на официјалните делегации.
Шефот на словенечката држава утре треба да ја посета хидорецентралата Света Петка, и да положи цвеќе пред споменикот на паднатите борци за Македонија.
Пахор во Скопје ќе се сретне и со претставници на словенечки компании, како и со Словенците кои работат и живеат во Македонија, а ќе одржи и кратка презентација на Европското првенство во кошарка што од 4 до 22 септември ќе се одржи во Словенија.