Реформата на изборниот закон е неопходна за напредокот на Босна и Херцеговина на патот кон Европската унија, изјавија денеска претседателката на Европската комисија (ЕК) Урсула фон дер Лејен на церемонијата на отворање на мостот кај Свилај, што го пушти во употреба заедно со хрватскиот премиер Андреј Пленковиќ и босанскиот премиер Зоран Тегелтија. Тројката денеска заедно ја пресекоа лентата и го отворија мостот што ги поврзува Хрватска и БиХ на граничниот премин Свилај.
-Јасно е дека регионот мора да го изгради најважниот мост од сите – мостот на помирување. Тоа им го должиме на жртвите од минатите конфликти што го распарчија овој прекрасен регион , рече шефицата на ЕК во обраќањето по церемонијата, на последниот ден од нејзината турнеја низ шестте земји од Западен Балкан.
Говорејќи за напредокот на БиХ кон членството во ЕУ, Фон дер Лејен кажа дека за тоа е потребен „итен напредок во изборните и уставните реформи“.
-Да се почитува договореното, а тоа е да се гарантира еднаквост на сите граѓани на БиХ. Тоа е клучнотои за земјата да се придвижи кон Европа, рече Германката на границата меѓу двете земји.
„Бидете сигурни, ние сме подготвени да бидеме со вас на секој чекор, како пријатели и партнери. Но, мора да ни помогнете да ви помогнеме “, додаде претседателчката на ЕК, Урсула фон дер лајен на граничниот премин Свилај, на хрватско-босанската граница.