Претседателот на ДУИ Али Ахмети придружуван од вицепремиерот Муса Џафери и шефот на кабинетот на претседателот и негов политички советник, Артан Груби, како и портпаролот Бујар Османи, денеска ќе престојуваат во официјална посета на Република Бугарија.
Ахмети, информираат од ДУИ, ќе се сретне со бугарскиот премиер Пламен Василев Орешарски, и со министерот за надворешни работи Кристиан Вегенин. Ахмети исто така ќе оддржи предавање на Дипломатскиот Институт на Министерството за надворешни работи на Бугарија на тема „100 години по Балканските војни, помирување и интеграција“.
Претходно, Ахмети престојуваше во САД каде што оддржа средби во Белата куќа, Конгресот, Стејт Департмент, Пентагон како и во постојаните мисии на САД, Велика Британија и Франција при ОН, во Германија каде ги посети Министерството за надворешни работи и Владата, како и во Албанија каде се сретна со премиерот во заминување Сали Бериша, со идниот премиер Еди Рама, како и со идниот претседател на Парламентот, Илир Мета.