Копнената граница за туризам со Канада и Мексико останува затворена до 21 септември, соопшти американското Министерство за внатрешна безбедност (ДХС).
Канада во јули соопшти дека ќе ги отвори своите граници за целосно вакцинирани американски туристи од 9 август, откако многу компании се пожалија.
– Во координација со експерти за јавно здравје и медицина, ДХС продолжува тесна соработка со своите партнери низ САД и работи на меѓународен план за безбедно да се овозможат нормални патувања, објави ДХС на својот налог на Твитер.
САД постојано ги продолжуваат вонредните ограничувања за Канада и Мексико на месечно ниво од март 2020 година, кога беа воведени за да се спречи ширењето на коронавирусот.
Белата куќа во јуни започна меѓуагенциски работни групи со Европската унија, Велика Британија, Канада и Мексико за да го разгледаат планот за укинување на ограничувањата за патување.