Најдоцна за 2-3 дена се очекува да биде завршена монтажата на новиот споменик „Прилепски бранители“, кој започна да се поставува на кружниот тек што го вкрстува булеварот „Гоце Делчев“ и улицата„Димо Наредникот“ и се очекува комплетно да биде завршен заедно со осветлувањето пред почетокот на Пиво фест.
Бранко Нешкоски,директор на ЈП за просторно и урбанистичко планирање,посочува дека поради грандиозноста на споменикот елементите ќе се поставуваат етапно.Челичната конструкција е висока 18 метри, а ќе биде и специјално осветлен, при што на одредени временски интервали ќе се менува бојата на споменикот.
Споменикот ќе ја чини Локалната самоуправа околу 50.000 евра,а е изработен од фирмата „Факом“ од Скопје. Модернистичкото спомен-обележје ќе ја симболизира борбеноста и непокорот на Прилепчани, кои дале многу борци.
За прилепските бранители ова е уште еден симбол дека Прилеп е секогаш меѓу првите на браникот на татковината.
А.Ш.