Возачот на „Мерцедес“ Луис Хамилтон имаше најдобро време на денешниот квалификации во Формула 1 што се возеа на патеката во „Нирбургринг“ за Големата награда на Германија.
До него во првиот ред ќе биде Себастијан Фетел од „Ред Бул“, а зад нив Марк Вебер, исто така од „Ред Бул“.
Кими Раиконен имаше четврто време, а неговиот колега од „Лотус“ Себастијан Грожан петто.
Слаби пласмани на квалификациите имаа двата болида на „Ферари“ Фелипе Маса беше седми, а Фернандо Алонсо на осмото место.
Трката за ГН на Германија е деветта во шампионатот во Ф1, а ќе се вози утре со почеток од 14 часот.