Скандалозно видео од маж како ладнокрвно удира две жени на улица поради сообраќаен проблем се појави на Инстаграм страницата „Ниш навечер“.
Како што објави република.рс, насилникот е Мирко Ајковиќ, братот на Зоран Ајковиќ Ајкула, кој со децении се поврзувал со трговија на дрога и многу други кривични дела.
Нападот на Ајковиќ врз жените се случил откако тој го напуштил новоотворениот трговски центар. Кога стигнал до пешачкиот премин со автомобил, немал трпение да чека старицата да ја премине улицата. Таа одела полека, а Ајковиќ очигледно брзал, па почна да свири и да ја навредува жената, пренесува српскиот портал.
Во нејзина одбрана застанале две жени, кои во тој момент поминуваа таму со возило. Ајковиќ излезе од автомовилот и брутално ги удри и двете по главата.
Мирко Ајковиќ најпрво ја нападна едната жена, а кога другата дојде да ја одбрани, ги удри и двете во главата.
Сторителот бил веднаш уапсен и одведен во притвор, пренесува република.рс.