Нова аудиоснимка на која наводно се слуша како озлогласениот криминален шеф Вељко Беливук договараат како да намамат една од жртвите во викендичката во која ги извршувале убиствата, е објавена на српскиот провладин портал „Информер“, само неколку часа откако беа објавени наводни делови од сослушувањето на Беливук пред обвинителите, во кои тој тврди дека бил во контакт со српскиот претседател Александар Вучиќ и дека со години извршувал разни услуги за врвот на српската власт.
На новата снимка наводно се слушаат гласовите на Беливук и неговиот близок соработник Марко Миљковиќ, а тие го договараат начинот на кој ќе ги убедат Лазар Вукиќевиќ, една од жртвите на нивниот криминален клан, во викендичката во Ритопек, која ја нарекуваат „кланица“.
Вучиќ денеска ги негираше наводите дека тој и Беливук биле во контакт и рече дека „нема да се повлече пред криминалците“. Тој најави дека во сабота повторно ќе гостува на телевизијата „Пинк“ и ќе открие нови детали за случајот.
„Во следните денови ќе ја откријам целата суштина и позадина на криминалните дејствија, ќе биде многу интересно“, изјави Вучиќ.