Околу 30 невладини организации (НВО) денеска ја повикаа Европската унија (ЕУ) веднаш да го прекине протерувањето на мигрантите од Авганистан поради офанзивата на талибанските бунтовници во нивната земја.
– Безбедносната состојба во Авганистан не дозволува луѓето да се вратат во земјата затоа што се во животна опасност, се вели во заедничкото соопштение на европските невладини организации.
Авганистанските власти на 11 јули ги повикаа европските земји да ја прекинат депортацијата на мигрантите во следните три месеци, поради конфликтот во земјата.