Расчинетиот владика на МПЦ, Јован (Зоран Вранишковски), обвинет во случајот „Расколник“, доби казна затвор од 3 години за перење пари.
Останатите 18 обвинети, меѓу кои и свештениците Давид Нинов, Марко Кимев, Филип Нинов, Никола Стефановски, Олимпијада Мизимаковска, добија 2 години условна казна која ќе се активира доколку го повторат делото во наредните 5 години. Со одлука на судот се конфискува и целиот имот.
Целото обвинение се засноваше на тврдењето дека Вранишковски, како владика во МПЦ украл 240 илјади евра, пари што ги оставале верниците им ги дал на сите 18 обвинети. Тие ги чувале дома парите, а после 4 години ги донирале во невладина органзиација „Анастасија“.