„Упатувам јавна осуда по повод објавените спотови од страна на бугарски политички партии, во рамки на предизборната кампања во Бугарија. Охрид е македонски град, отсекогаш бил и ќе биде место кое ги поврзува двата народи, место кое е пример за соработка и толеранција“, напиша охридскиот градоначалник Константин Георгиевски на Фејсбук, во реакција на спотовите, кои денеска ги осуди и македонското МНР.
„Во духот на балканските и европските вредности, македонскиот и бугарскиот народ треба да негуваат добрососедско пријателство засновано врз силно меѓусебно почитување! Се надевам дека во иднина нема да имаме причина за вакви јавни реакции“, додава Георгиевски во објавата, проследена со фотографија од македонско знаме што се вее од Самуиловата тврдина.