Во Скопје, вчера полицијата уапсила 63-годишен државјанин на Бугарија кој бил баран по меѓународна потерница од Интерпол Софија, а бил осуден на 14 години затвор за силување, информираат од Министерството за внатрешни работи.
„На 29.06.2021 во 12.00 часот на подрачјето на Центар полициски службеници од Секторот за меѓународна полициска соработка и СВР Скопје го привеле П.И.М.(63) од Р.Бугарија, кој се барал со меѓународна потерница од Интерпол Софија, се вели во информацијата од МВР.
П.И.М. е осуден на казна затвор во траење од 14 години за кривично дело силување и противправно лишување од слобода и се наоѓа на листата на најбарани криминалци на Интерпол“.
Судија на претходна постапка му одредил екстрадициски притвор во траење од 30 дена и е спроведен во КПУ Затвор Скопје.
