Случај Насев: Собирал пари за да ги вработи

Од:

Бобан Насев сопственикот на порталот Комуникација.мк е уапсен поради неколкуте измами во кои се претставувал како висок функционер во неколку министерства при што собирал пари од граѓаните со ветување дека ќе ги вработи или дека ќе добијат социјален стан. Го пријавиле граѓаните кои во овој случај се претставени како оштетени, зашто давале пари на рака да бидат вработени во државни институции.

На овој начин тој собрал 21.000 евра од пет лица, во периодот од 2007 до минатата година.

Насев на девојка од Радовиш и собрал 5000 евра за да ја вработи во министерство. Успеал да ја излаже откако и се претставил како близок пријател на минстерот за информатичко општество. Парите му биле исплатени во повеќе наврати минатата година.

Скопјанец наседнал на приказната дека Насев е потпретседател на кадровата комисија во Министерстовото за надворешни работи и на ветувањето дека ке му помогне да го вработи во истото министерство, а неговата сопруга во Народна Банка на РМ, за што му зел надомест од 10.000 евра. Насев за да биде поубедлив во измамата на сопружниците им покажал лажни факти: една плакета од Народна Банка на РМ која наводно му била врачена од Гувернерот за заслуга, значка – легитимација со негови генерали и слика која му била дадена како припадник на НАТО.

На штипјанец му се претставил како шеф на кабинет во Министерство за транспорт и врски и за да го вработи како негов личен возач му побарал 1.500 евра. Штипјанецот во два наврати во текот на декември 2010 година му дал вкупно 1.000 евра.

На маж и жена од Скопје и Штип им ветил социјален стан, претставувајќи им се како висок државен функционер. Му дале 3.500 евра и 5.000 евра, а жената му купила и лап топ и мобилен телефон во вредност од 2.500 евра.

Сите прелажани вчера кога бил приведен го препознале Насев како човекот што им земал пари за да ги вработи или пак да им овозможи да добијат социјален стан. Тој доби притвор од 30 дена, а од полицијата информираат дека досега му се поднесени над дваесетина кривични пријави за истото кривично дело и дека и претходно му се изрекувани затворски казни.

Би можело да ве интересира

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

ЗНМ и ССНМ реагираат: Попречувана новинарка на Телма при известување за инцидентот во Битола

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он