Американскиот претседател Барак Обама пристигна во Дакар, Сенегал – првата држава од посетата на Африка во која ќе ги посети и Република Јужна Африка и Танзанија.
Обама денеска ќе има прес конференција со сенегалскиот претседател Маки Сал. Подоцна ќе го посети Врховниот суд и ќе одржи говор.
Обама ќе отпатува од Дакар в петок наутро.
Американскиот претседател е во посета на Африка во момент кога поранешниот јужноафрикански претседател и херој на борбата против апартхејдот Нелсон Мандела е во критична здравствена состојба во болница во Преторија.