Се роди првото дете во новиот објект на ЈЗУ Специјална болница по гинекологија и акушерство „Мајка Тереза“ во Чаир. Станува збор за здраво машко дете. Во објектот се инвестирани четири милиони евра-три милиони за градежни работи, и околу милион евра за опрема.
Ова денеска го истакна министерот за здравство Никола Тодоров кој го посети новиот објект на таа здравствена установа. Тој изјави дека во објектот има најсовремена опрема, се што е потребно за една најсовремена гинеколошко-акушерска болница.
– Во болницата условите се извонредни, идентични како оние кои ги имаме во новиот објект на Клиниката за гинекологија во Клиничкиот кампус „Мајка Тереза“. Со отворањето и на овој објект македонското здравство добива еден многу современ капацитет кој може да одговори на најсложените предизвици од областа на гинекологиј
ата и акушерството и воведуваме еден многу повисок стандард во овој дел, рече Тодоров.
Очекуваме, посочи Тодоров, дека еден добар дел од граѓаните од Скопје посебно од овој дел од градот ќе имаат можност да добијат многу квалитетна здравствена заштита и многу квалитетни услуги од областа на гинекологијата и акушерството.
– Овој објект долго време 16 години стоеше во форма на карабина. Одлучивме како држава да одвоиме средства и да ги инвестираме тука и да направиме услови кои се на ранг на условите кои ги пружаат најсовремените здравствени системи во делот на гинекологијата и акушерството, истакна Тодоров.