Министерот за здравство, Венко Филипче преку својот фејсбук профил информираше за новите мерки што Владата ги усвои на денешната редовна седница.
Од утре, 12 мај на сила се новите мерки кои ги усвои Владата на денешната редовна седница.
Почнувајќи од утре, полицискиот час започнува од 24:00 часот, а трае до 04:00 часот наутро наредниот ден. Дозволеното време за работа на угостителските објекти за работа со посетители/гости во отворениот дел од угостителскиот објект (само летни тераси, градини, а не во затворениот дел) е до 23:30 часот.
Сите настани може да се одржуваат согласно наменските протоколи, со исполнетост до 30% од капацитетот на затворениот простор.
Вежбалните, фитнес центрите и теретаните може да отпочнат со вршење на својата дејност во објектите.