Финецот Валтери Ботас ќе стартува од пол – позицијата на утрешната трка во Формула 1 за Големата награда (ГН) на Португалија, откако возачот на Мерцедес беше најбрз на денешните квалификации.
За Ботас ова е прва пол – позиција сезонава и вкупно 17. во кариерата.
Покрај него во првиот ред на неделната трка ќе му биде клупскиот колега и актуелен светски првак, Британецот Луис Хамилтон, кој ќе мора да почека нова шанса за јубилејна 100. пол – позиција во кариерата.
Од вториот ред ќе стартуваат возачите на Ред Бул, Холанѓанецот Макс Верстапен и Мексиканецот Серхио Перез.
Во генералниот пласман, Хамилтон води по двете воведни трки со бод повеќе од Верстапен.
Трката за ГН на Португалија започнува утре од 16 часот.