Полицијата поднесе кривична пријава против Тодор Петров од Светскиот македонски конгрес. Пријавата е поради тоа што како организатор на протестите кои се случија во неделата, не биле почитувани марките за заштита од коронавирус.
Неофицијално, ова е поради неносењето на маски и групирањето, што е спротивно на одлуките донесени од Владата за спречување на ширење на заразата.
„СВР Скопје денеска (27.04.2021) до надлежното обвинителство поднесе кривична пријава по чл. 206 од КЗ против Т.П. (61) од Гевгелија, бидејки на 25.04.2021 организирал протест пред објектите на Влада и Собрание на РСМ и не се почитувани мерките за заштита на населението од заразни болести“, велат од МВР.
„А1он“ се обиде да стапи во контакт со Петров за став околу кривичната пријава, но тој не одговори на повиците.
