Ова во Собрание е тероризам, а не 27 април!, нашиша на својот профил на Фејсбук лидерот на ВМРО-ДПМНЕ Христијан Мицкоски, откако пратениците денеска го изгласаа петтиот пакет економски мерки, а за истиот гласаа двајца пратеници од власта, позитивни на Ковид-19, кои во Собранието дојдоа во скафандери и гласаа од одделни простории.
„Кога законите и правилата не важат за власта. Медиумите пишуваа дека човек почина затоа што немало брза помош, а денес за аздисот на власта и пратеничката има. Крајот брзо ќе им се случи, а ќе има и кривични пријави и одговорност за кршењето на протоколите, законите и Уставот!“, напиша Мицкоски.
Тој го повика претседателот на државата Стево Пендаровски да застане зад правото и зад Уставот.
„Претседателе Пендаровски, доста се криеш, бекни нешто. Застани зад правото, законите и Уставот. Тоа што Заев дозволил да биде заложник на Талат Џафери, тоа што пратениците од СДСМ одлучија да бидат слуги на инаетот и фрустрацијата на еден човек, нека биде нивен срам, ти имаш можност барем еднаш да покажеш дека си достоен за функцијата која ја извршуваш и не ги потпишувај законите кои се резултат на оваа седница“, напиша Мицкоски.