Тур оператори и претставници на медиуми од Албанија викендов ќе престојуваат во Охрид и Струга за да се запознаат со туристичките потенцијали на овие два града.
Тие ќе присуствуаат на традиционалната манифестација „Денот на Езерото“ што се одржува секоја година на 21 јуни. Планирани се средби со сопственици на сместувачки единици, хотелиери, тур оператори како и со градоначалниците на општините Охрид и Струга.
Посетата на Македонија ја организираат Агенцијата за странски инвестиции и промоција на извозот и економскиот промотор за Албанија и Косово Фатос Мустафа во соработка со Општина Охрид, Општина Струга и Здружението на хотелиери на Македонија (ХОТАМ). Целта е да се зголеми интересот на туристи за Македонија и да се прошират можностите за економска соработка меѓу двете земји.