Почина 70-годишен скопјанец во сообраќајка која се случи попладнево во центарот на Скопје. Во близина на градската болница „св. Наум Охридски“, се судрија две возила, марка „шкода“ и „мерцедес“. Неофицијално, мажот починал откако негов роднина го носел во болница, а паднал во бесознание уште пред сообраќајката да се случи. Но, причините ќе ги утврдува Судска медицина.
Од МВР велат дека е констатирана смрт кај сопатникот кој се превезувал со „мерцедесот“.
„На улицата 11 Октомври и улицата што излегува од ГОБ св. Наум Охридски се случила сообраќајна незгода помеѓу патничко возило „мерцедес“, управувано од Б.М. (1984) и патничко возило „шкода“, управувано од Ј.В. (1971) . Со повреди се здобил сопатникот во ПМВ Мерцедес, Е.М. (1951),кој е однесен во ГОБ Наум Охридски и во 13,30 часот од страна на доктор е констатирана смрт“, велат од МВР за „А1он“.
Полицијата неколку часа правеше увид, по што ќе се знаат и причините за несреќата.