Претседателот Стево Пендаровски денеска го прими в.д. директорот на Агенцијата за енергетика на Република Северна Македонија, Дарио Николовски.
На средбата директорот Николовски го информираше Пендаровски за тековните активности и работата на агенцијата, во однос на реализацијата на стратешките планови, како и за развој на потенцијалите за користење на обновливи извори на енергија, а во функција на заштита на животната средина, соопшти Кабинетот на претседателот.
На средбата се разговараше за можностите за организирање на обуки и едукација на младите за теми поврзани со енергетската ефикасност и значењето на заштитата на животната средина, во МладиХаб – Канцеларијата на претседателот, стои во соопштението.