Србија потпиша договор со Синофарм за набавка на дополнителни два милиони дози на вакцината. На потпишувањето присуствуваше и српскиот претседател Александар Вучиќ, заедно со кинеската амбасадорка во Србија, Чен Бо.
Вучиќ преку видео повик, разговарал со раководството на компанијата Синофарм за процесот на набавка на вакцините, изградба на фабрика за кинеските вакцини во Србија, како и за изградба и опремување на српските болници.
Вучиќ изрази благодарност до кинескиот претседател Си Џипинг и истакна дека најголемиот број на граѓани во Србија се вакцинирани токму со кинеската вакцина.
Претседателот на групацијата Синофарм, Лиу Џингжен, изјави дека се среќни што можат да дадат поддршка на граѓаните на Србија во борбата против коронавирусот.
„Ја цениме довербата на граѓаните во нашиот производ“, рече тој.