„ВМРО-ДПМНЕ нека си се разбере со Каракачанов, да не не меша во нивните меѓусебни препукувања со ВМРО-БНД“, реагираат од СДСМ на денешното соопштение на ВМРО-ДПМНЕ, по повод објавата на бугарскиот министер Красмир Каракачанов на фејсбук.
„За должничко-доверителски односи со Каракачанов, нека си ги расчистуваат самите, без да се обидуваат да не инволвираат нас.
Како и досега СДСМ нема со било каква постапка да дава повод Македонското прашање дополнително да биде злоупотребувано во кампањата во соседна Бугарија“, велат од СДСМ.