Земјотрес со јачина од 5,9 степени според Рихтеровата скала ја погоди вечерва Грција, а потресот беше почувствуван и во Македонија.
Според податоците на веб-страницата emsc-csem.org, потресот се случил во 18 и 38 часот по локално време, односно 19 и 38 часот по македонско време.
Како што соопшти Сеизмолошката опсерваторија при ПМФ, земјотресот бил со локална магнитуда од 5,9 степени според Рихтеровата скала. Според досегашните податоци, земјотресот е почуствуван на целата територија на земјава со интензитет од III-IV степени според Европската макросеизмичка скала.
Потресот бил на длабочина од 10 километри, со епицентар на 26 километри од градот Лариса, во регионот кој е погоден од серија земјотреси во изминативе денови.
Најсилниот потрес, со јачина од 6,3 степени според Рихтеровата скала, го погоди регионот вчера претпладне, при што беа повредени 11 лица и беа оштетени стотици згради.
Неколку помали земјотреси биле почувствувани синоќа, а најсилниот бил со јачина од 5,2 степени.