Делови од државата попладнето останаа без електрична енергија по невремето што беше проследено со интензивни врнежи од дожд, град и засилен ветер.
Прекин во снабдувањето со електрична енергија имаше во Битола и во дел од приградските населби во Скопје.
Од ЕВН Македонија информираат дека дефектите се отстранети и оти корисниците се приклучуваат на мрежата.
Поради невремето и електричните празнења настана прекин во снабдувањето со електрична енергија на 35 киловолтната врска кон Битола по што корисниците од Нова Битола останаа без струја. Во прекин беше и 35 киловолтната врска Кондово – Сарај и 10 киловолтната врска Долно и Горно Соње. Прекин имаше и во Горно Лисиче и левиот дел од улицата „Првомајска“.