Полицијата уапси татко и син од Тетово кај кои се најдени докази дека продавале кокаин, соопшти МВР.
„СВР Тетово поднесе кривична пријава против Б.Х.(46) и К.Х.(23), татко и син од градот, поради постоење основи на сомнение за сторено кривично дело Неовластено производство и пуштање во промет на наркотични дроги, психотропни супстанции и прекурсори“, се вели во полициското соопштение.
На 14 февруари, агенти на полицискиот оддел за недозволена трговија и шверц извршиле претрес во домот на пријавените во Тетово и во помошни простории, при што пронашле и одзеле кокаин и вага со траги од кокаин, додаваат од полицијата.